Bakı, 15 noyabr, AZƏRTAC
Xəzər dənizinin Azərbaycan sektoru yüksək külək enerjisi potensialına malikdir.
Bu sözləri AZƏRTAC-a açıqlamasında Müstəqil Sənayeçi və İş Adamları Dərnəyinin (MÜSİAD) İdarə heyətinin üzvü, “Vat enerji” şirkətinin baş direktoru Altuğ Karataş söyləyib.
“Qardaş ölkə Azərbaycan ilə Türkiyənin əməkdaşlığı sayəsində enerji istehsalı imkanları genişlənəcək. Nəticədə Zəngəzur dəhlizi ilə bunu kabellər vasitəsilə Türkiyəyə çatdıra və Avropaya təmiz karbonsuz elektrik enerjisi təklif edə bilər”,- deyə o bildirib.
Azərbaycanın enerji layihələrindən söz açan A.Karataş deyib: “Fikrimcə, ən mühüm layihələrdən biri külək enerjisi ilə bağlı olacaq. Türkiyə bu əməkdaşlığa hazırdır. Çünki Türkiyənin külək enerjisi sahəsində ciddi təcrübəsi var. İkinci Qarabağ müharibəsindən sonra yaranan imkanlarla Azərbaycan və Türkiyə Avropanın mühüm enerji təchizatçılarından biri olacaq”.
Altuğ Karataş: Xəzərin Azərbaycan sektoru yüksək külək enerjisi potensialına malikdir – AZƏRTAC
